Млын вадзяны | Мельнікі

Вадзяны млын у Мельніках

Млын у Мельніках існаваў спрадвечна, аб чым кажа і назва вёскі. Паводле 8-й рэвізіі (1833 год) у вёсцы, якая знаходзілася ў складзе маёнтка Грымяча, працаваў вадзяны млын. У сярэдзіне XIX ст. млын як і сама вёска належыў графіні Красінскай, уласніцы маёнтка Ставы. Будынак млына ў Мельніках, які захаваўся да нашага часу, стаіць на рэчцы Пульва на паўночнай ускраіне вёскі. Быў пабудаваны на пачатку ХХ ст, ці ўжо ў міжваены час.

Вадязны млын у МельнікахФота © Глеб Лабадзенка | Дата: 08/2013

У 1930 г. млыном валодалі Т. Чамброўскі і В. Рэмерз. Пасля Другой сусветнай вайны млын нацыяналізаваны і перададзены на баланс мясцовага калхозу. Да нядаўняга часу выкарыстоўваўся па прызначэнні (працаваў на электрычнасці), а цяпер стаіць занядбаны. Млын - узор вясковага прамысловага дойлідства. Пабудаваны з дрэва ў выглядзе простакутнага будынка. Унутраная прастора падзелена на 2 паверхі, у інтэр'еры добра захаваліся драўляныя механізмы.

Унутры млынаФота © Глеб Лабадзенка | Дата: 08/2013