> Віцебская вобласць > Аршанскі раён > мястэчка Межава > Царква Уваскрэшання Хрыстова
Межава. Царква Уваскрэшання Хрыстова
Межава. Царква Уваскрэшання Хрыстова

Царква Уваскрэшання Хрыстова | Межава

Год пабудовы (перабудовы): 1830-x
Каардынаты:
54° 37'37.18"N, 30° 18'53.74"E

Фотагалерэі

Выбраныя здымкі

Межава. Царква Уваскрэшання Хрыстова

Выгляд з правага боку Фота © Дмитрий Апаликов |

Межава. Царква Уваскрэшання Хрыстова

Погляд на царкву ад сядзібнага дома Фота © К. Шастоўскі |

Межава. Царква Уваскрэшання Хрыстова

Погляд ў бок царквы ад сядзібы Фота © Уладзімер Ткачэнка |

Царква пабудавана ў 1830-я гг. у цэнтры вёскі з цэглы ўладальнікам маёнтка Канстанцінам Любамірскім. Знаходзіцца ў паўзруйнаваным стане.

Помнік архітэктуры рэтраспектыўна-рускага стылю. Падоўжна-восевую аб'ёмна-прасторавую кампазіцыю складаюць прытвор з чацверыковай званіцай, кароткая трапезная, кубападобны аб'ём малітоўнай залы з бакавымі прыдзеламі, паўкруглая апсіда з бакавымі рызніцамі. У сілуэце храма панавалі шацёр званіцы і 8-гранны светлавы барабан над асноўным кубападобным аб'ёмам. Атынкаваныя фасады расчлянёны арачнымі аконнымі праёмамі ў кілепадобных ліштвах, крапаваны вуглавымі паўкалонкамі, прамавугольнымі нішамі і круглымі разеткамі. Уваход вылучаны рызалітам і арачным парталам кілепадобнай формы, над якім круглая люкарна, па баках прамавугольныя нішы. Царква апяразана магутным карнізам на сухарыках і зубчастым фрызам.

Унутры малітоўная зала перакрыта скляпеннем на ветразях, якое трымае светлавы барабан, трапезная і прыдзелы — цыліндрычнымі скляпеннямі, у апсідзе скляпенне-конха. Памяшканні злучаны шырокімі арачнымі прасветамі. Мае магутнае канструкцыйнае вырашэнне (таўшчыня сцен 1,5 м).

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001