> Віцебская вобласць > Аршанскі раён > мястэчка Смаляны > Касцёл Найсвяцейшай Панны Марыі і кляштар дамініканаў
Смаляны. Касцёл Найсвяцейшай Панны Марыі і кляштар дамініканаў
Смаляны. Касцёл Найсвяцейшай Панны Марыі і кляштар дамініканаў

Касцёл Найсвяцейшай Панны Марыі і кляштар дамініканаў | Смаляны

Выбраныя здымкі

Смаляны. Касцёл Найсвяцейшай Панны Марыі і кляштар дамініканаў

Від з боку Праабражэнскай царквы Фота © Уладзімер Ткачэнка |

Смаляны. Касцёл Найсвяцейшай Панны Марыі і кляштар дамініканаў

Касьцёл Найсьв. Панны Марыі ў Смалянах Фота © Alex Gorbatsevich |

Смаляны. Касцёл Найсвяцейшай Панны Марыі і кляштар дамініканаў

Галоўны фасад кляштарнага корпусу Фота © Уладзімер Ткачэнка |

Пабудаваны ў 1678—80 гг. ва ўсходняй частцы мястэчка з цэглы па фундацыі князя Г. Сангушкі. Пасля паўстання 1831 г. скасаваны паводле царскага ўказа ад 19.7.1832 г., заняпаў. У 1899 г. намаганнямі ксяндза Герасімовіча пад кіраўніцтвам архітэктара Даўкшы храм і манастырскі будынак адноўлены. Па малюнках Даўкшы зроблены многія дэталі інтэр'ера касцёла — алтары, вялікая люстра і інш. Адлюстраваны на малюнку Н. Орды 1877 г. У 1930-я гг. храм закрыты.

Касцёл — помнік архітэктуры позняга барока. 3-нефавая, 2-вежавая базіліка з трансептам і паўкруглай апсідай. 2-ярусная 3-восевая кампазіцыя галоўнага фасада падкрэслена пілястрамі, якія разбіваюць яго на 3 злёгку ўвагнутыя паверхні. Невысокія вежачкі аб'ядноўваюцца на ўзроўні карнізнай цягі развітым франтонам. Трансепт вылучаецца толькі на ўзроўні 2-га яруса, у 1-м ярусе ён выкананы ў адным аб'ёме з бакавымі капэламі, якія пераходзяць у 1-ярусныя сакрысціі. Унутры цэнтральны неф перакрыты цыліндрычнымі скляпеннямі на распалубках. Дэкаратыўнае афармленне інтэр'ера і алтароў не захаваліся.

Мураваны 1-павярховы кляштарны будынак размешчаны паралельна паўночнаму фасаду касцёла. Келлі аб'яднаны калідорам, перакрытым цыліндрычным скляпеннем.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

Год пабудовы (перабудовы): 1678-80
Каардынаты:
54° 35'58.70"N, 30° 3'37.46"E

Фотагалерэі