Выбраныя здымкі
Паркавая алея. Фота © Кастусь Шыталь | Дата: 2012-05-01
Парк. Від з паўднёва-усходняга боку Фота © Кастусь Шыталь | Дата: 2005
Сажалка. Выгляд ад бровару Фота © Кастусь Шыталь | Дата: 2005
Сядзіба ў Бярозаўцы стваралася ў некалькі этапаў, таму вызначыць дакладна яе першапачатковую планіроўку цяжка. У апошні час прыняла эклектычныя рысы. З ХІХ стагоддзя добра захаваліся 2 вадаёмы на мясцовым вадатоку, адзін з іх (заходні) асабліва вялікі (да 2 га). Маляўнічае люстэрка вады з востравам, якое акружана вербамі з экзатычнымі кронамі, прыдае сядзібе рысы велічнасці з боку ўезда. На беразе ў 1862 годзе быў пабудаваны бровар - тыповае збудаванне (28 на 8 м) з цэглы з павышаным цэнтральным аб'ёмам і двума ніжэйшымі бакавымі.
Сядзіба не мае выразнай асноўнай восі. Вадаёмы і парк кампазіцыйна не звязаны з яе параднай часткай. Сядзібны дом размяшчаўся збоку адносна вадаёмаў і парку, да яго прымыкаў гаспадарчы двор (не захаваўся).
Парк спланаваны па тыпу эканамічнага ў выглядзе баскета. Яго ўтвараюць лінейныя пасадкі ліпы рознага ўзросту. Усходняя алея мае ўзрост больш за 150 гадоў і з'яўляецца фрагментам былой сядзібнай кампазіцыі. Размешчана на адной восі з дамбай паміж вадаёмамі. Ліпы ўтвараюць суцэльную сцяну, месцамі ў ніжняй частцы ствалы зрасліся, вышынёй 25-27 метраў. Усходняя алея закладзена прыкладна ў канцы ХІХ - пачатку ХХ стагоддзяў. Яна добра захавалася, праходзіць уздоўж вуліцы вёскі: шырыня 6 метраў, вышыня дрэў 22-25 метраў. Прастора баскета служыла садам (захавалася 12 радоў).
У канцы яго была пабудавана каталіцкая капліца. Унутры яе, як прыгадваюць старажылы, была вельмі прыгожая фігура Маці Божай. Капліца была разрабаваная ў савецкі час, у знішчэнні прымалі ўдзел студэнты, якія прыязджалі на ўборачныя работы ў мясцовы калгас. Ізаляванасць, утульнасць капліцы надавала абсадка з боку сада двума радамі бэзу і рабіннікам. Адпаведна ім пракладзены паўкруглы канал, цераз які на восі капліцы меўся масток.
У садзе, бліжэй да палаца, ліпы, пасаджаныя шчыльна ў выглядзе авала (захаваліся 18 дрэў), утвараюць альтанку. У ёй была падлога, стаяў стол.
Сёння ў маёнтку захаваліся бровар, руіны капліцы, значная частка парку ды дзве сажалкі.
Сядзіба не мае выразнай асноўнай восі. Вадаёмы і парк кампазіцыйна не звязаны з яе параднай часткай. Сядзібны дом размяшчаўся збоку адносна вадаёмаў і парку, да яго прымыкаў гаспадарчы двор (не захаваўся).
Парк спланаваны па тыпу эканамічнага ў выглядзе баскета. Яго ўтвараюць лінейныя пасадкі ліпы рознага ўзросту. Усходняя алея мае ўзрост больш за 150 гадоў і з'яўляецца фрагментам былой сядзібнай кампазіцыі. Размешчана на адной восі з дамбай паміж вадаёмамі. Ліпы ўтвараюць суцэльную сцяну, месцамі ў ніжняй частцы ствалы зрасліся, вышынёй 25-27 метраў. Усходняя алея закладзена прыкладна ў канцы ХІХ - пачатку ХХ стагоддзяў. Яна добра захавалася, праходзіць уздоўж вуліцы вёскі: шырыня 6 метраў, вышыня дрэў 22-25 метраў. Прастора баскета служыла садам (захавалася 12 радоў).
У канцы яго была пабудавана каталіцкая капліца. Унутры яе, як прыгадваюць старажылы, была вельмі прыгожая фігура Маці Божай. Капліца была разрабаваная ў савецкі час, у знішчэнні прымалі ўдзел студэнты, якія прыязджалі на ўборачныя работы ў мясцовы калгас. Ізаляванасць, утульнасць капліцы надавала абсадка з боку сада двума радамі бэзу і рабіннікам. Адпаведна ім пракладзены паўкруглы канал, цераз які на восі капліцы меўся масток.
У садзе, бліжэй да палаца, ліпы, пасаджаныя шчыльна ў выглядзе авала (захаваліся 18 дрэў), утвараюць альтанку. У ёй была падлога, стаяў стол.
Сёння ў маёнтку захаваліся бровар, руіны капліцы, значная частка парку ды дзве сажалкі.
Выкарыстаны матэрыялы з кнігі “Памяць. Докшыцкі раён”. Мінск, 2004
Кастусь Шыталь, краязнаўца
e-mail: ksz@tut.by
Паведамленні
Наталля, адкажыце калi ласка, ваш муж часам не паходзiць з сям'i Блажыевiч (Блажэвiч)....
Наталья, добрый день. Я так же родом из этих мест (Берёзовка). Бываю там почти каждое лето. Если нужны будут фото или иная информация-обращайтесь!
...
Вялікі дзякуй за размешчаныя звесткі пра в. Бярозаўка, што ў Докшыцкім раёне. Гэта радзіма майго мужа. Яго родная хата хаваецца за дрэвамі на здымку "Сажалка". Зараз мы жывём у Канадзе, так што нам ве...