> Віцебская вобласць > Докшыцкі раён > вёска Порплішча > Касцёл Маці Божай Каралевы
Порплішча. Касцёл Маці Божай Каралевы
Порплішча. Касцёл Маці Божай Каралевы

Касцёл Маці Божай Каралевы | Порплішча

Выбраныя здымкі

Порплішча. Касцёл Маці Божай Каралевы

Касцёл Маці Божай Каралевы ў Порплішчы Фота © Андрэй Кузьмін |

Порплішча. Касцёл Маці Божай Каралевы

Агульны выгляд Фота © К. Шастоўскі |

Порплішча. Касцёл Маці Божай Каралевы

Фота © Andrej Satsukevich |

Помнік драўлянага дойлідства. Пабудаваны ў 1937—41 гг. мясцовымі майстрамі пад кіраўніцтвам Б. Шантара. У 1950-я гг. вежа зачыненага касцёла была знята, будынак прыстасаваны пад Докшыцкую школу механізацыі, пазней, да 1990-х гг., у ім часова размяшчалася жыллё і сховішча.

У 1991—93 гг. намаганнямі вернікаў адноўлены. Архітэктанічная кампазіцыя касцёла складаецца з выцягнутага прамавугольнага ў плане асноўнага аб'ёму, накрытага высокім двухсхільным дахам, прамавугольнай алтарнай часткі з сіметрычнымі сакрысціямі па баках, накрытымі больш нізкімі дахамі, і шмат'яруснай чацверыковай вежы на галоўным фасадзе. Унутраная прастора храма падзелена апорнымі слупамі на 3 нефы з бэлечнымі перакрыццямі. З боку ўвахода ўнутры асноўнага аб'ёму вылучаны нартэкс з арганнымі хорамі. Ніжні чацвярык вежы часткова выступае на галоўным фасадзе, ствараючы крыты ганак (экзанартэкс). Верхні ярус вежы і сігнатурка, якая прарэзвае вільчык даху каля алтара, накрыты традыцыйнымі чатырохсхільнымі шатрамі-«каўпакамі» са злёгку выгнутымі схіламі, што надае форме пакрыцця вытанчанасць. Сцены звонку гарызантальна ашаляваны і ўмацаваны вертыкальнымі сцяжкамі. Архітэктурнае вырашэнне святыні ўдала працягвае традыцыі драўлянага касцельнага дойлідства Беларусі.

Літ.:
Т.В. Габрусь
Памяць. Докшыцкі раён
Мінск, Беларуская Энцыклапедыя, 2004

Паведамленні

Год пабудовы (перабудовы): 1937-41 (1), 1991-93 (1)
Каардынаты:
54° 57'49.90"N, 27° 39'13.17"E

Фотагалерэі