> Віцебская вобласць > Глыбоцкі раён > вёска Кавалі > Царква Успення Прасвятой Багародзіцы
Кавалі. Царква Успення Прасвятой Багародзіцы
Кавалі. Царква Успення Прасвятой Багародзіцы

Царква Успення Прасвятой Багародзіцы | Кавалі

Год пабудовы (перабудовы): 1748
Каардынаты:
55° 7'26.05"N, 27° 49'52.28"E

Фотагалерэі

Выбраныя здымкі

Кавалі. Царква Успення Прасвятой Багародзіцы

Успенская царква ў Кавалях Фота © Уладзімір Скрабатун |

Кавалі. Царква Успення Прасвятой Багародзіцы

Храм, брама і званіца. Від ад паўднёвага захаду Фота © Уладзімір Скрабатун |

Кавалі. Царква Успення Прасвятой Багародзіцы

Від з боку апсіды Фота © Уладзімір Скрабатун |

Царква знаходзіцца на паўночна-усходняй ускраіне паселішча ля Т-падобнага скрыжавання дарог Глыбокае—Галубічы і Кавалі—Леднікі. Побач, у 0,3 км ад царквы, — самая высокая кропка паверхні зямлі Глыбоцкага раёна з адзнакай 226 м над узроўнем мора. З яе адкрываюцца пекныя далягляды на Галубіцкую пушчу, г.Глыбокае ў глыбокай даліне, царкву ў в. Дзедзіна і на Варганскую гару ў Докшыцкім раёне.

Успенская царква пабудавана ў 1748 годзе з дрэва, верагодна як касцёл, пра што сведчаць арыентацыя храма і рудыменты старадаўніх бакавых вежаў, якія перабудаваны ў ХІХ ст. Царква абнесена каменным мурам. За лінію мура выступае вежа-званіца, якая прымыкае да яго адной бакавінай. Вежа-званіца над адкрытым каркасам другога яруса накрыта шатровым дахам. Храм крыжовы ў плане. Асноўны аб'ём з пяціграннай апсідай і бакавымі прамавугольнымі ў плане крыламі трансепта. Зруб завершаны двухсхільным дахам і гарызантальна ашаляваны, сцены расчлянёны высокімі лучковымі аконнымі праёмамі. Над будынкам невялікая цыбулепадобная галоўка на васьмігранным барабане. У інтэр'еры вылучана сяродкрыжжа, вычлененае фігурнымі аркамі. Зала мае плоскае бэлечнае перакрыццё.

Успенская царква — арыгінальны помнік драўлянага дойлідства Глыбоччыны з элементамі стылю барока.

Уладзімір Скрабатун