> Віцебская вобласць > Пастаўскі раён > мястэчка Лынтупы > Касцёл Святога Андрэя Апостала
Лынтупы. Касцёл Святога Андрэя Апостала
Лынтупы. Касцёл Святога Андрэя Апостала

Касцёл Святога Андрэя Апостала | Лынтупы

Выбраныя здымкі

Лынтупы. Касцёл Святога Андрэя Апостала

Касцёл Святога Андрэя Апостала ў Лынтупах Фота © Taćciana Marmyš | Дата: 2014/02/23

Лынтупы. Касцёл Святога Андрэя Апостала

Галоўны фасад Фота © Аляксандар Шымбалёў | Дата: 2014/02/23

Лынтупы. Касцёл Святога Андрэя Апостала

Агульны выгляд Фота © Аляксандар Шымбалёў | Дата: 2014/02/23

Пабудаваны ў 1908—14 гг. з цэглы на цэнтральнай плошчы мястэчка. Абкружаны бутавай агароджай з 3-пралётнай брамай (раней стаялі вуглавыя 3-ярусныя драўляныя званіцы).

Звесткі аб першым драўляным касцёле Святога Андрэя адносяцца да 1459 г. Хроніка парафіяльнага касцела Узнясення Найсвяцейшай Дзевы Марыі за 1879 г. паведамляе, што касцёл быў заснаваны віленскім ваяводам Андрэем Даўгірдовічам, меў 5 алтароў і амбон, дзейнічаў шпіталь. У 1640 г. Аляксандр Чарніцкі пры касцёле пабудаваў цагляную капліцу, падараваў храму 8-пудовы звон і літургічнае начынне.

Помнік архітэктуры неабарока. Манументальная буйнамаштабная 2-вежавая 3-нефавая базіліка з паўцыркульнай апсідай. 2-ярусны асноўны аб'ём храма схаваны за кулісай галоўнага фасада, цэнтр якога вылучаны 2-ярусным рызалітам пад 3-вугольным франтонам. Барочная дынаміка і архітэктурная пластыка сканцэнтраваны на верхніх ярусах вежаў, завершаных гранёнымі ліхтарамі, крапаваных прафіляванымі карнізамі і пілястрамі. Рытміку бакавых фасадаў ствараюць высокія арачныя аконныя праёмы.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

Паведамленні

Год пабудовы (перабудовы): 1908-14
Каардынаты:
55° 2'55.07"N, 26° 18'44.70"E

Фотагалерэі