> Віцебская вобласць > Пастаўскі раён > мястэчка Лынтупы > Сядзібна-паркавы ансамбль Бішэўскіх
Лынтупы. Сядзібна-паркавы ансамбль Бішэўскіх
Лынтупы. Сядзібна-паркавы ансамбль Бішэўскіх

Сядзібна-паркавы ансамбль Бішэўскіх | Лынтупы

Выбраныя здымкі

Лынтупы. Сядзібна-паркавы ансамбль Бішэўскіх

Палац Бішэўскіх у Лынтупах Фота © Mariusz Proskień | Дата: 30/05/2008

Лынтупы. Сядзібна-паркавы ансамбль Бішэўскіх

Палац на германскай паштоўцы Фота © Mariusz Proskień | Дата: 1915-16

Лынтупы. Сядзібна-паркавы ансамбль Бішэўскіх

Палац на германскай паштоўцы Фота © Mariusz Proskień | Дата: 1915-16

Неарэнесансны архітэктурны стыль у рэчышчы мадэрнісцкага авангардызму найбольш ярка ўвасобіўся ў Лынтупаўскай сядзібе, пабудаванай у 1907 г. паводле праекта архітэктара Тадэвуша Раствароўскага. Для ўладальніка маёнтка Ю. Бішэўскага створаны абагульнены вобраз венецыянскага "палаццо", размешчанага на канале і адбітага ў яго вадзе.

У экстэр'еры будынка выкарыстаны самыя разнастайныя рэнесансныя прыёмы і формы. Двухпавярховы дом мае асіметрычную аб'ёмна-прасторавую кампазіцыю, у якой дамінуе трох'ярусная, квадратная ў сячэнні тарцовая вежа. У цэнтры франтальных фасадаў ідэнтычныя тэрасы на спараных канелюраваных калонах і бакавых антах. Архітэктура будынка адзначана павышанай дэкаратыўнасцю і шчыльнасцю раскраповак: фактурны і гладкі руст, атыкі, балюстрады, трохвугольныя і лучковыя сандрыкі арачных і прамавугольных вокнаў, гірлянды, маскароны, пальметы, ракавіны ў конхах ніш — усё тое, што было магчыма запазычыць з арсенала дэкаратыўных сродкаў рэнесансу. Імкненне ўнесці ў будынак усе дэкаратыўныя прыкметы сярэдневяковага стылю прывяло да вялікай колькасці атрыбутаў здробненага дэкору, да імітацыі характэрнага для рэнесансу натуральнага каменю. Цэнтральны рызаліт завершаны атыкам з бакавымі балюстрадамі, фасады апяразаны шырокім прафіляваным фрызам і карнізам на мадульёнах. Функцыянальна дакладна, улічваючы патрабаванні новай камфартабельнасці рэпрэзентатыўнага жылля, арганізавана ўнутраная прастора дома.

Тэрыторыя сядзібна-паркавага комплексу (6 га) падзелена на дзве зоны: парадную — перад домам, якая ўключае прамавугольны партэр, капліцу, флігель, абсаджаныя дрэвамі пруды і пратокі, і гаспадарчую — некалькі аднапавярховых прамавугольных у плане мураваных будынкаў: млын (1887 г.), вежа-вяндлярня, бровар. Ад дома да сажалкі — лесвічны каскад.

Крыніца:
А.М. Кулагін
Эклектыка
Мінск, Ураджай, 2000

Паведамленні

Год пабудовы (перабудовы): > 1900
Каардынаты:
55° 3'7.22"N, 26° 18'26.03"E

Фотагалерэі