> Віцебская вобласць > Пастаўскі раён > горад Паставы > Царква Святога Мікалая
Паставы. Царква Святога Мікалая
Паставы. Царква Святога Мікалая

Царква Святога Мікалая | Паставы

Выбраныя здымкі

Паставы. Царква Святога Мікалая

Фота © Андрэй Кузьмін |

Паставы. Царква Святога Мікалая

Інтэр\'ер Фота © К. Шастоўскі |

Паставы. Царква Святога Мікалая

Агульны выгляд Фота © Уладзімер Ткачэнка |

Мураваная Свята-Мікалаеўская царква ў Паставах, пабудавана на гістарычнай плошчы горада ў 1894 г. на месцы папярэдняга драўлянага уніяцкага храма.

Царква пабудавана ў псеўда-рускім стылі і адпавядае пануючай кананічнай чатырохчасткавай схеме: званіца над прытворам, трапезная, малітоўная зала з бакавымі прыдзеламі, апсіда з бакавымі рызніцамі. Прасторавая кампазіцыя храма будуецца вакол цэнтральнага двух'яруснага, завершанага пяцікупаллем кубападобнага аб'ёма. Далучаныя да яго бакавыя прыдзелы і паўкруглая апсіда з бакавымі рызніцамі надаюць храму крыжовую планіровачную форму. Да аб'ёма малітоўнай залы праз прамавугольную трапезную далучаецца шатровая званіца. Уваход вырашаны ганкам. У дэкоры белакаменнага будынка выкарыстаны формы псеўда-старажытнарускага царкоўнага дойлідства — пояс закамар, зубчастыя фрызы пад прафіляванымі карнізамі, кілепадобныя ліштвы арачных вокнаў, кілепадобныя шчыты і какошнікі, вокны ў выглядзе трайной аркады, размежаванай кароткімі калонкамі-бочкамі.

Зала храма перакрыта цыліндрычным скляпеннем, у яе прастору праз арачны прасвет адкрываюцца хоры з балюстраднай агароджай. Інтэр'ер царквы ўпрыгожвае аднаярусны пазалочаны іканастас з цыбулепадобнымі купалкамі па цэнтры і па баках, трактаваны ў неарускім стылі.

Крыніца:
А.М. Кулагін
Памяць. Пастаўскі раён
Мінск, БЕЛТА, 2001

Год пабудовы (перабудовы): 1628 (1), 1894 (2)
Каардынаты:
55° 6'47.95"N, 26° 50'26.66"E

Фотагалерэі