> Віцебская вобласць > Полацкі раён > вёска Рудня > Прысядзібны парк
Рудня. Прысядзібны парк
Рудня. Прысядзібны парк

Прысядзібны парк | Рудня

Год пабудовы (перабудовы): XIX
Каардынаты:
55° 26'56.02"N, 28° 34'44.45"E

Выбраныя здымкі

Рудня. Прысядзібны парк

Сажалка з выспачкай Фота © Міхась Баўтовіч |

Рудня. Прысядзібны парк

Помнік палеглым воінам і партызанам Фота © Міхась Баўтовіч |

Рудня. Прысядзібны парк

Рэшткі парку ў Рудне Фота © Міхась Баўтовіч |

Парк у Рудні закладзены як прысядзібны недзе ў 2-й палове ХІХ ст. Уяўляў ён зь сябе прастакутны вучастак пладовага сада, абсаджаны па баках шэрагамі дрэваў. У парку расьлі ліпа, піхта, сібірскі кедр, амурскі аксаміт, канадзкая цуга ды іншыя.



Цэнтрам сядзібы быў дом. Ва ўсходнім кутку знаходзілася сажалка, запруджаная з боку ракі Вушачы, так што рэгулюючы сьцёк, можна было ўтрымліваць ваду ў вадазборы на адным узроўні. Пасярод сажалкі была невялікая выспа, на якой стаяла альтанка. Да яе праз пратоку быў перакінуты драўляны масток. За савецкім часам тут арганізавалі школу. Паступова дом струхнеў, яго разабралі і збудавалі новы будынак Руднянскае школы. Сёньня сажалка спушчана, альтанка не захавалася, ды і ад самога парку засталіся толькі рэшкі ліпаў і клёнаў.

У 1960 г. на тэрыторыі парку быў усталяваны помнік з надпісам “Вечная память героям, павшим в боях за честь, свободу и независимость нашей Родины 1941-1945 гг.” Надпіс выдатны. А каб яшчэ па-беларуску, ды не з чырвонай зоркай, а з Пагоняй … Кажуць, што пахавана тут недзе каля 80 воінаў і партызанаў.

Міхась Баўтовіч