> Віцебская вобласць > Сенненскі раён > вёска Обаль > Царква Успення Прасвятой Багародзіцы
Обаль. Царква Успення Прасвятой Багародзіцы
Обаль. Царква Успення Прасвятой Багародзіцы

Царква Успення Прасвятой Багародзіцы | Обаль

Год пабудовы (перабудовы): 1840-x
Каардынаты:
54° 56'20.13"N, 30° 4'39.65"E

Фотагалерэі

Успенская царква ў Обалі

У вёсцы Обаль Машканскага сельсавета Сенненскага раёна захавалася драўляная Успенская царква 19-га стагоддзя. Паводле этнографа Кірылы Анікіевіча царква ў Обалі з’явілася ў 40-я гады 19 стагоддзя, куды была перанесена з маёнтка Лускіных, якія пераехалі жыць у Варшаву. У Нацыянальным гістарычным архіве Беларусі захоўваюцца метрычныя запісы Обальскай Успенскай праваслаўнай царквы за 1846 год.

Царква Ўспення Багародзіцы ў Обалі

Успенская царква ў ОбаліФота © Алексей Капчиков | Дата: 06.2008

Захавалася апісанне царквы, датаванае 1899 годам: «Храм драўляны, невялікі; рэчы і рызніца пасрэдныя, бібліятэка нязначная; спяваюць у царкве слаба і грубавата, не раўня настаўнікам мясцовых школ; прыхаджан абодвух палоў 2563». Прыкладна з канца 60-х ХІХ ст. і да пачатку ХХ ст., святаром Обальскай царквы быў Вікенцій Мяркур’евіч Шабуніо. З 1907 па 1909 гады святаром служыў сын Вікенція - Філарэт. На пачатку ХХ ст. да прыходу Ўспенскай царквы ў Обалі адносіўся 51 населены пункт, сярод якіх вёскі Бялькі, Грыбы, Зарыбнікі, Масоры, Масяйкі, Машканы, Станькі, Чудня, Шыркі.

Інтэр'ер, стан у 2008 г.

Унутры будынка, стан у 2008 г.Фота © Алексей Капчиков | Дата: 06.2008

6 красавіка 1929 года была прынята пастанова аб зачыненні храма, і з восені 1929 г. і да пачатку 1941 г. выкарыстоўваўся як складское памяшканне для захоўвання зерня. З 1941 па 1948 год царква пуставала. У пасляваенныя гады будынак царквы вернуты ў калгаснае карыстанне як складское памяшканне. 29 ліпеня 1999 г. быў афіцыйна зарэгістраваны прыход Обальскай царквы, але пад новай назвай - у гонар Святога Ўладзіміра. Але дагэтуль будынак царквы знаходзіцца ў паўзруйнаваным стане, і не ўнесены ў «Дзяржаўны спіс гісторыка-культурных каштоўнасцей Рэспублікі Беларусь».

Паводле: 
Юлія Пасканьева
Магчыма, тут хрысцілі Машэрава і Гараўца
Голас Сенненшчыны, 22.11.2013
http://www.senno.by/?p=13498