Царква Праабражэння Гасподняга | Дзмітравічы

Праабражэнская царква ў Дзмітравічах

У 1786 г. ў Дзмітравічах святаром Хведарам Будзіловічам і вяскоўцамі пабудавана ўніяцкая царква. Пасля скасавання Ўніі царква ў Літоўскай праваслаўнай епархіі. На мяжы ХІХ і ХХ стст. пры Праабражэнскай царкве налічвалася 5034 прыхаджан у 16 вёсках: Дзмітравічы, Асіннікі, Белая, Гарошкаўка, Дашэвічы, Камянюкі, Макавішча, Мшанкі, Падомша, Ражкоўка, Вялікае і Малае Селішчы, Сінітычы, Унучкі, Хваянаўка і Чарнакі. Да 1860 г. (калі была разабрана) ў Асінніках (Тамаполях) існавала прыпісная да Дзмітравіцкага прыходу Прачысценская царква, невядома калі пабудаваная. 

Праабражэнская царква ў ДзмітравічахФота © Кузіч Мікола | Датаі: 22/04/2012

Царква - помнік народнага дойлідства. Стаіць на невялікім пагорку ў цэнтры вёскі. Побач з царквой чацверыковая каркасная званіца пад шатровым дахам. Тэрыторыя царквы абнесена цаглянай агароджай.

Праабражэнская царква і званіцаФота © К. Шастоўскі | Дата: 07/01/2006

Храм вырашаны прамавугольным зрубам, да якога з франтальнага фасаду далуаецца прыруб нізкага прытвора, пастаўлены на бутавым падмурку. Галоўны фасад завершаны франтонам, тымпан якога прарэзаны 2 ромбападобнымі люкарнамі. Вільчык 2-схільнага даху з вальмай над алтарнай часткай па цэнтры завершаны 8-гранным барабанам з цыбулепадобнай галоўкай.

Літ.:
1. Гродненский православный календарь
Православие в Брестско-Гродненской земле в конце ХІХ века, Том 1
Воронеж, 1899
2. А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001