Выбраныя здымкі
Капліца святой Барбары ў Высокім Фота © Маршал Зукoff | Дата: 28.10.2007
Агульны выгляд Фота © К. Шастоўскі | Дата: 07/2005
Агульны выгляд капліцы ў Высокім. Сучасны стан Фота © К. Шастоўскі | Дата: 07/2005
Капліца Св. Барбары стаіць на пагорку ў паўночна-заходняй ускраіне горада Высокае. Невялікі мураваны храм узведзены ў 1772 г. на месцы старога касцёла, фундаванага ў 15 ст. Вітаўтам. Капліца, верагодна, спраектавана аўтарам Троіцкага касцёла ў Воўчыне ці па яго падабенству. Пасля закрыцця Воўчынскага касцёла яго маёмасць у 1869 г. была перанесена ў капліцу.
Капліца — помнік архітэктуры барока. Невялікі 8-гранны аб’ем яшчэ ў 1970 меў шатровы дах з фігурным ліхтаром (чыгуннае ліццё). Грані капліцы раскрапаваны плоскімі лучковымі нішамі і вокнамі ў прафіляваных ліштвах, вуглавымі лапаткамі, гарызантальнымі цягамі цокаля і карніза. Унутры сцены аздоблены ляпным раслінным арнаментам, рэльефнымі выявамі воінскіх даспехаў. Над уваходам на 2 слупах размешчаны хоры з ажурнай разной агароджай.
Капліца — помнік архітэктуры барока. Невялікі 8-гранны аб’ем яшчэ ў 1970 меў шатровы дах з фігурным ліхтаром (чыгуннае ліццё). Грані капліцы раскрапаваны плоскімі лучковымі нішамі і вокнамі ў прафіляваных ліштвах, вуглавымі лапаткамі, гарызантальнымі цягамі цокаля і карніза. Унутры сцены аздоблены ляпным раслінным арнаментам, рэльефнымі выявамі воінскіх даспехаў. Над уваходам на 2 слупах размешчаны хоры з ажурнай разной агароджай.
Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000