Выбраныя здымкі
У цэнтры горада. Пабудавана ў 1869 г. з цэглы на месцы драўлянай царквы 1840 г. Праект храма складзены акадэмікам архітэктуры В.І.Чагіным і зацверджаны генералам ад інфантэрыі М.М. Мураўёвым (Вешальнікам) 23.8.1864 г. Будаўніцтва ажыццёўлена на сродкі інсургентаў. Падрадчыкам з'яўляўся мешчанін Чарнігаўскай губерні Г.А.Назараў.
Помнік архітэктуры псеўда-рускага стылю. У аснове прасторавай кампазіцыі кубападобны цэнтрычны аб'ём, шатровы дах якога ўвенчаны 5-купаллем. Да храма па баках далучаюцца прамавугольныя прыдзелы пад 2-схільнымі дахамі, з фронта — прамавугольны прытвор, завершаны шатровай званіцай, з тыльнага фасада — паўкруглая апсіда. Плоскасці фасадаў раскрапаваны лапаткамі, аркатурай, прафіляванымі карнізамі, расчлянёны арачнымі аконнымі праёмамі ў ліштвах.
Дэкаратыўна-кампазіцыйным акцэнтам інтэр'ера з'яўляўся 2-ярусны 5-часткавы іканастас (праект В.І.Чагіна) у арачным прасвеце апсіды. Над сяродкрыжжам шатровае скляпенне.
Помнік архітэктуры псеўда-рускага стылю. У аснове прасторавай кампазіцыі кубападобны цэнтрычны аб'ём, шатровы дах якога ўвенчаны 5-купаллем. Да храма па баках далучаюцца прамавугольныя прыдзелы пад 2-схільнымі дахамі, з фронта — прамавугольны прытвор, завершаны шатровай званіцай, з тыльнага фасада — паўкруглая апсіда. Плоскасці фасадаў раскрапаваны лапаткамі, аркатурай, прафіляванымі карнізамі, расчлянёны арачнымі аконнымі праёмамі ў ліштвах.
Дэкаратыўна-кампазіцыйным акцэнтам інтэр'ера з'яўляўся 2-ярусны 5-часткавы іканастас (праект В.І.Чагіна) у арачным прасвеце апсіды. Над сяродкрыжжам шатровае скляпенне.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001