Выбраныя здымкі
Траецкі касцёл у Высокім Фота © Маршал Зукoff | Дата: 02/12/2006
Касьцёл на фотаздымку 1936 г. (з архіву Ротаў) Фота © Piotr Jaczynowski-Roth | Дата: 02/12/2006
Інтэр\'ер. Усё касьцёльнае начыньне было страчана ў савецкі час падчас перабудовы касьцёла пад спартыўную залю Фота © К. Шастоўскі | Дата: 02/12/2006
Першы касцёл у Высокім быў фундаваны вялікім князем Вітаўтам у 15 ст. У 1603 г. сын Лаўрэна Вольскага Андрэй (у А. Кулагіна ў кнізе "Каталіцкія храмы" Андрэй Война) заклаў "касцёл мураваны" на месцы пабудаванай у 1571 г. з дрэва і згарэўшай у час шведзкай вайны капліцы Св. Барбары. У 1609 г. касцёл быў асвячоны біскупам Паўлам Валуцкім. Меў даўжыню 44 і шырыню 12 аршынаў, аднаўляўся ў 1735 пры Сапегах, найбольшы звон насіў назву св. Пятра і Паўла. Ізноў быў адноўлены ў 1872 г. Марыяй Патоцкай. Да касцёла належала капліца Св. Барбары, пабудаваная непадалёку ад касцёла, на ўзгорку, у 1772 г. святаром Сланчэўскім. Капліца захавалася і адноўлена ў 1992-1994 гг.
У савецкі час касцёл быў пераабсталяваны пад спартовую залу, а ў 1993 г. зноў вернуты каталіцкай парафіі і адноўлены ксяндзом Янам Васілеўскім.
У савецкі час касцёл быў пераабсталяваны пад спартовую залу, а ў 1993 г. зноў вернуты каталіцкай парафіі і адноўлены ксяндзом Янам Васілеўскім.
Крыніца:
Л.М. Несцярчук
Замкі, палацы, паркі Берасцейшчыны Х-ХХ стагоддзяў
Мінск, "БЕЛТА", 2002