> Віцебская вобласць > Полацкі раён > вёска Махірова > Царква Покрыва Прасвятой Багародзіцы
Махірова. Царква Покрыва Прасвятой Багародзіцы
Махірова. Царква Покрыва Прасвятой Багародзіцы

Царква Покрыва Прасвятой Багародзіцы | Махірова

Не існуе
Год пабудовы (перабудовы): 1737
Страчаны: > 1922

Фотагалерэі

Выбраныя здымкі

Махірова. Царква Покрыва Прасвятой Багародзіцы

Фота © Мартинович Сергей |

Некалі навакольныя землі і вёска належалі полацкаму архібіскупу. У 1731 годзе тут з дазволу архібіскупа полацкага Фларыяна Грабніцкага быў закладзены базыльянскі манастыр Покрыва Багародзіцы. Быў ён адносна невялікім, а пабудовы - пэўна драўлянымі. Каталёг базыльянскай правінцыі Сьвятой Тройцы за 1754 год падае, што ў манастыры было тры манахі: старэйшы - Тэафіл Залескі, сакратар - Дзям’ян Гітэр і Апанас Гайковіч. Манахі апекаваліся мясцовай парафіяй, якая ахоплівала навакольныя вёскі. У 1837 годзе колькасьць парафіянаў складала 1344 чалавекі.

Пасьля 1836 году манастыр на загад імпэрскіх уладаў быў ліквідаваны. Пасьля ліквідацыі ў 1839 годзе ўніяцкае царквы парафія стала праваслаўнай. Землі і вёска былі забраныя дзяржавай. На пачатку ХХ ст. вёска ўваходзіла ў склад Замшанскае воласьці, а землі належалі Махіроўскаму вясковаму таварыству. Цягам каля 15 гадоў да Першай сусьветнай вайны ў махіроўскай царкве Покрыва Багародзіцы служыў сьвятар Іван Антонавіч Дыман. На перадваенных мапах царква яшчэ пазначаная. Сёньня яна не існуе.

Міхась Баўтовіч

Паведамленні