Выбраныя здымкі
Будынак касьцёла пасьля перабудовы. Здымак 1980 г. (з архіву Алы Вярцінскай) Фота © Людміла Дучыц |
Падмуркі разбуранага касцёла ў Падсвіллі. Фота © Кастусь Шыталь | Дата: 2011-11-13
Падмуркі разбуранага касцёла ў Падсвіллі. Фота © Кастусь Шыталь | Дата: 2011-11-13
Падсьвільле ўзьнікла ў 1924 годзе ў сувязі з будаўніцтвам кашараў для 7-га батальёна польскага Корпуса Аховы Памежжа. Мяжа з Савецкім Саюзам праходзіла тут, недалёка — праз абшары Галубіцкай пушчы, ў нейкіх двух дзясятках кіламэтраў адсюль.
Ня ведаючы, пакуль, дакладнай даты пабудовы падсьвільскага касьцёла, можна выказаць меркаваньне, што ў гэтыя ж часы, як ўзводзіліся кашары, пачаўся будавацца і касьцёл. Жаўнерам трэба ж было некуды хадзіць маліцца. На жаль, нам не вядомыя шматлікія здымкі гэтага храма, каб уявіць яго першапачатковы выгляд. Гэты здымак належыць Але Вярцінскай, якая сьцвярджае, што займела яго ад Людмілы Дучыц, археоляга, якая часта прыязджае ўлетку на Глыбоччыну з экспедыцыяй. Людміла Дучыц і сфатаграфавала падсьвільскі касьцёл ў 1980 годзе, перад тым, як яго зьнеслі. На здымку касьцёл ужо без вежы, прыстасаваны пад нейкую гаспадарчую пабудову. Аднак, візуальна, можна зрабіць адну выснову, што быў ён пабудаваны у стылявой сувязі з іншымі будынкамі 1920—30-ых гг., якія захаваліся ў Падсьвільлі да нашых дзён. Тады на Глыбоччыне, Браслаўшчыне і Пастаўшчыне быў папулярны "закапанскі" стыль.
Падсьвільскі касьцёл не захаваўся. На выездзе зь мястэчка ў бок Галубічаў, на стромым пагорку, што ўзвышаецца над возерам Алаізбэрг, побач з цьвінтарам, яшчэ і сёньня можна знайсьці падмуркі храма з часанага каменя.
Ня ведаючы, пакуль, дакладнай даты пабудовы падсьвільскага касьцёла, можна выказаць меркаваньне, што ў гэтыя ж часы, як ўзводзіліся кашары, пачаўся будавацца і касьцёл. Жаўнерам трэба ж было некуды хадзіць маліцца. На жаль, нам не вядомыя шматлікія здымкі гэтага храма, каб уявіць яго першапачатковы выгляд. Гэты здымак належыць Але Вярцінскай, якая сьцвярджае, што займела яго ад Людмілы Дучыц, археоляга, якая часта прыязджае ўлетку на Глыбоччыну з экспедыцыяй. Людміла Дучыц і сфатаграфавала падсьвільскі касьцёл ў 1980 годзе, перад тым, як яго зьнеслі. На здымку касьцёл ужо без вежы, прыстасаваны пад нейкую гаспадарчую пабудову. Аднак, візуальна, можна зрабіць адну выснову, што быў ён пабудаваны у стылявой сувязі з іншымі будынкамі 1920—30-ых гг., якія захаваліся ў Падсьвільлі да нашых дзён. Тады на Глыбоччыне, Браслаўшчыне і Пастаўшчыне быў папулярны "закапанскі" стыль.
Падсьвільскі касьцёл не захаваўся. На выездзе зь мястэчка ў бок Галубічаў, на стромым пагорку, што ўзвышаецца над возерам Алаізбэрг, побач з цьвінтарам, яшчэ і сёньня можна знайсьці падмуркі храма з часанага каменя.
Уладзімір Скрабатун,
адмыслова для radzima.org