> Брэсцкая вобласць > Пінскі раён > вёска Дубай > Прысядзібны парк пры былой сядзібе Кужанецкіх
Дубай. Прысядзібны парк пры былой сядзібе Кужанецкіх
Дубай. Прысядзібны парк пры былой сядзібе Кужанецкіх

Прысядзібны парк пры былой сядзібе Кужанецкіх | Дубай

Выбраныя здымкі

Дубай. Прысядзібны парк пры былой сядзібе Кужанецкіх

Уязная брама ў сядзібу. Сакавік 2001 г. Фота © Вадзiм Лось |

Дубай. Прысядзібны парк пры былой сядзібе Кужанецкіх

Рэзыдэнцыя Кужанецкіх на літаграфіі з малюнка Напалеона Орды Фота © Вадзiм Лось |

Дубай. Прысядзібны парк пры былой сядзібе Кужанецкіх

Трохсотгадовы дуб на вайсковых могілках у парку Фота © Аляксей Сойчынскі |

Дубайскі парк

Насупраць параднага ўвахода ў былую Дубайскую сядзібу да сённяшняга часу захавалася ўязная брама, якая складалася з двух мураваных, пакрытых рустам і ўвенчаных мураванымі шарамі слупоў. Яны падкрэслівалі падоўжную вось ансамбля. На левым баку ад іх размяшчалася невялікае аднапавярховае памяшканне кардэгарды з паглыбленым порцікам на дзвюх калонах. На гэтым жа баку ў глыбіні парку знаходзілася аранжарэя. На правым баку брамы існуе будынак стайні, які таксама некалі меў порцік.

Тэрыторыя парку ў Дубаі плошчай каля 11 га абмяжоўвалася каналамі і сажалкамі. Першапачатковая рэгулярная планіроўка парку сіметрычна-восевага характару ў XIX ст пашырылася ў паўночным напрамку пейзажнай зонай. Прынцыпу рэгулярнасці падпарадкоўвалася размяшчэнне палаца, флігеляў, капліцы, фантанаў, кветнікаў, баскетаў.

Прастору паміж уязной брамай і палацам займаў велізарны авальны газон з клумбай пасярэдзіне. У парку раслі ў асноўным мясцовыя пароды дрэў: елка, ліпа, таполя, бяроза, сасна, ясень, а таксама піхта, лістоўніца, каштан, арэх грэцкі. Па абодва бакі параднага двара знаходзіліся прамавугольныя баскеты з пладовым садам.

Прынцыпу рэгулярнасці падпарадкоўвалася і арганізацыя воднай сістэмы парку: па восі за домам знаходзіўся круглы (дыяметрам 30 м) стаў і шэраг прамавугольных сажалак, аб'яднаных каналамі з перакінутымі выгнутымі масткамі. Рыбныя садкі, выкапаныя на паўднёва-заходняй ускраіне сядзібы, пры дапамозе дамбаў забяспечвалі перапад вады і напаўнялі сажалкі і фантаны.

У парку захавалася капліца, пабудаваная езуітамі ў XVIII ст. у стылі барока, пазней прыстасаваная пад касцёл Святога Крыжа.

У час Першай сусветнай вайны ў Дубайскім парку былі арганізаваны пахаванні нямецкіх салдат, якія загінулі падчас вайсковых дзеянняў.

Паводле: Несцярчук Л. Замкі, палацы, паркі Берасцейшчыны X-XX стагоддзяў. Мн.: БелТА, 2002.

Год пабудовы (перабудовы): XVIII/XIX
Каардынаты:
52° 5'26.31"N, 25° 46'11.64"E

Фотагалерэі