> Гомельская вобласць > Хойніцкі раён > вёска Рудакоў > Сядзібны дом Ваньковічаў
Рудакоў. Сядзібны дом Ваньковічаў
Рудакоў. Сядзібны дом Ваньковічаў

Сядзібны дом Ваньковічаў | Рудакоў

Выбраныя здымкі

Рудакоў. Сядзібны дом Ваньковічаў

Новы мураваны дом у стылі неабарока ў Рудакова Ваньковічы пабудавалі ў 1909 г. | Дата: < 1917

Рудакоў. Сядзібны дом Ваньковічаў

Сядзібны дом Ваньковічаў у Рудакова Фота © маша п. | Дата: май 2009

Рудакоў. Сядзібны дом Ваньковічаў

Колішні сядзібны дом Ваньковічаў у часы \"развітога сацыялізма\" Фота © маша п. | Дата: 1970-x?

Маёнтак Рудакоў

Мясцовыя землі некалі знаходзіліся ў складзе вялікага маёнтка Вішнявецкіх (пазней Ракіцкіх) Брагін. У XVII ст. маёнтак стаў уласнасцю Аскеркаў і заставаўся ў іх руках да канца ХІХ ст. У 1830 годдзе тут нарадзіўся Аляксандр Аскерка (1830-1911), выпускнік Санкт-Пецярбургскага універсітэта, адзін з лідэраў партыі "белых", удзельнік студзеньскага паўстання (1863г.), пасля падаўлення паўстання быў асуджаны на 15 гадоў катаргі. У 1884 годзе Алена з Аскеркаў перадала Рудакоў у якасці пасагу Станіславу Ваньковічу. Ваньковічы валодалі маёнткам да 1917 года.

Неабарокавы палац Ваньковічаў з чырвонай неатынкаванай цэглы быў узведзены ў 1909-10 гг. па праекту архітэктара Тадэвуша Раствароўскага, сваяка ўладальнікаў маёнтка.

Колішні сядзібны дом - двухпавярховы будынак, і складаецца з трох карпусоў: падоўжанага цэнтральнага (першапачаткова аднапавярховага, другі паверх быў пабудаваны пасля Другой сусветнай вайны), і двух больш кароткіх бакавых карпусоў. Сярэдняя частка палаца акцэнтавана нізкім рэзалітам. Значна цікавейшыя фасады маюць бакавыя карпусы, аформленыя паўкруглымі аркамі і трохкутнымі франтонамі.

Палац у цяперашні час разбураны, як і вялікі гаспадарчы двор. Вакол разросся дзікі ўжо парк плошчай каля 5 гектараў з двума сажалкамі. Сядзібна-паркавы комплекс Рудакоў знаходзіцца на мяжы Чарнобыльскай зоны.

Паводле
Grzegorz Rąkowski
„Ilustrowany przewodnik po zabytkach kultury na Białorusi”,
Burchard Edition, Warszawa 1997

Год пабудовы (перабудовы): 1909
Каардынаты:
51° 48'17.04"N, 30° 3'50.11"E

Фотагалерэі