> Мінская вобласць > Любанскі раён > вёска Таль > У вёсцы
Таль. У вёсцы
Таль. У вёсцы

Таль | У вёсцы - Каментарыі

У 2003 годзе грамадскае аб’яднанне “Этна-гістарычны цэнтр “Явар” даследаваў гэты камень.

Аб'ектам нашага даследавання стаў святы камень, які знаходзіцца проста на ўзараным полі каля вёскі Ператок Любанскага раёна. Гэты камень мае назву Слядок Божы або Божы камень. Пра яго напісана ў кніжцы Э.Ляўкова «Маўклівыя сведкі мінуўшчыны» 1992 года выдання. Аўтар лічыць, што камень трэба захаваць не толькі як культавы рарытэт, але і геалагічны помнік: ён аскепак дэвонскага пескавіку.
Вакол Божага каменя — тры бярозы, рэшткі яшчэ адной — чацвёртай, вялікі металічны крыж і адзін маленькі. На камені і сапраўды можна разгледзець тры невялікія слядкі, нібыта адбіткі ступакоў. Сюды прыходзяць у першую нядзелю пасля маладзіка, а таксама ў Заквітаючую нядзелю ўвосень, льюць ваду ў дзіркі-слядкі. Камень пранізаны адтулінамі, ёсць сярод іх і скразныя. Калі вада пройдзе праз адну дзірку і выльецца з другой, яе збіраюць, і яна лічыцца лекавай. Ёю лечаць раматус, запаленні, розныя застарэлыя хваробы. Мясцовыя людзі заўсёды, калі падыходзяць да каменя, кажуць: «Памажы, Божа!»
Каменю дагэтуль складаюць ахвяры. Раней неслі хто што меў: яблыкі, яйкі, сыр, палатно, ручнікі. Цяпер каменю ахвяруюць у асноўным грошы, калі-нікалі ўбачыш там яблык ці цукерку. Раней на крыжы каля каменя навязвалі і саматканыя палотны, цяпер навязваюць толькі ручнікі. Жыхарка Ператок, 90-гадовая бабуля Ганна Caланец распавядала нам, што ўсё прынесенае на камень раней забіралі тры старцы, якія жылі ў вёсцы Таль. Старцы былі сляпыя і жабравалі разам з павадырамі. Ганна Мікалаеўна павяла нам і гісторыю з уласнага дзяцінства пра сваю маці, якая, калі захварэла, папрасіла дачку схадзіць да каменя памаліцца і паабяцаць перад ім, што цягам усяго года будзе адразаць старцам-жабракам палатно на торбы, калі тыя зойдуць да іх у хату. Ганна так і зрабіла — яе маці неўзабаве ачуняла.
Па расказах Ганны Саланец, раней кол каменя стаяла шмат крыжоў, на іх шалі ручнікі — тканыя і вышываныя, вакол была агароджа і стаялі лавы. Сама вёска Ператок узнікла ў 1914 годзе, сюды ў асноўным перасяліліся выхадцы з вёскі Taль, а даўней на яе месцы рос лясок.
Пра ўзнікненне гэтай прошчы існуч кое паданне: нехта захварэў, і яму сказалі ісці да каменя, чалавек прыйшоў і ачуняў.
Ірына Клімковіч
адказаць
Недалеко от Тали, возле деревни Переток, находится знаменитый Божий камень – ледовиковый 375 000 000 летний валун, образованный из кварцевого песковика. Он образовался в середине девонского периода, когда весь восток Беларуси был морем Геродота.
Этот камень считали целебным. К нему приходили крестьяне как из соседних, так и из дальних деревень, просили избавить от болезни и посодействовать в браке. Деньги, которые оставляли на камне, шли на нужды церкви, их собирал церковный казначей Свято-Троицкой Тальской церкви. В настоящее время люди продолжают посещать Божий камень, хотя и реже прежнего.

Дадаць паведамленне

*
*
*
*