> Віцебская вобласць > Чашніцкі раён > вёска Белая Царква
Белая Царква. Царква Святой Тройцы

Белая Царква - фота і помнікі

Магчымыя варыянты:
Белая Царква Белая Церковь Biała Cerkiew Biełaja Carkva Belaja Cerkov Tserkov Bielaja Carkva

Каардынаты:
54° 38'39.08"N, 29° 18'3.99"E

Што паглядзець у Белай Царкве

Гісторыя Белай Царквы

Белая Царква - вёска Чарэйскага сельсавета, на беразе Чарэйскага возера, за 3 км ад Чарэі, 35 км на Пд ад Чашнікаў. Непадалёку размешчаны заказнік «Зялёнае ляда», прадстаўлены чыстым дрэвастоем дуба звычайнага.

Назва паходзіць ад мясцовага наймення Троіцкай царквы, пабудаванай у 1599 г. на востраве возера Галаўль (цяпер тут паўвостраў, і возера мае назоў Чарэйскае) канцлерам ВКЛ Львом Сапегам. Вядома з XVI ст. Раней невялікая вёска — хаты царкоўнага старасты, псаломшчыка, святара і інш. Але пра яе ведалі далёка за межамі Чарэйскага графства, бо паломнікі з розных гарадоў і вёсак ішлі маліцца ў Белую (Троіцкую) царкву. Рэшткі царквы захаваліся да нашых дзён.

Вёску і зямлю ў 1869 г. набыў калежскі асэсар праваслаўнага веравызнання Лявонцій Іваноў. Яму належалі 469 дзес. зямлі, 44 дзес. лесу, 73 дзес. ворнай зямлі, 20 дзес. лугу. Гадавы прыбытак складаў: ад возера — 250 руб., карчмы — 150, саду — 140 руб. Да рэвалюцыі побач стаяў панскі маёнтак.

Напярэдадні 2-й сусветнай вайны 28 двароў, 98 жыхароў. 10 жыхароў загінулі на фронце. На 1.01.1996 г. 20 двароў, 29 жыхароў. Адносіцца да саўгаса «Чарэя».

Крыніца:
Памяць. Чашніці раён
Мінск. Беларуская навука. 1997

Белая Царква. : Адметнасці | фота выбраных помнікаў

Белая Царква.  Царква Святой Тройцы

Белая Царква. Царква Святой Тройцы (XVI-XVII) Руіны траецкай царквы у вёсцы Белая Царква Фота © С. Рамановіч

Белая Царква.  Краявіды

Белая Царква. Краявіды Від на вёску ад царквы Фота © К. Шастоўскі