> Віцебская вобласць > Докшыцкі раён > урочышча Клеманцова
Клеманцова. Фальварак Кіякоўскіх

Клеманцова - фота і помнікі

Магчымыя варыянты:
Клеманцова Клеменсово Klemensów Klemancova Klemensowo

Каардынаты:
54° 58'24.60"N, 27° 30'15.43"E

Страчаная спадчына

Гісторыя Клеманцова

Клеманцова – ранейшы фальварак, а зараз закінутае месца. У матэрыялах рэвізіі 1795 года Клеманцова яшчэ не згадваецца, гэтыя землі знаходзіліся ў складзе маёнтка Чаркасы. У 19 стагоддзі Кіякоўскія заклалі дзве новыя сядзібы ў маляўнічых месцах па-над Сэрваччу ў Кіякове і Клеманцове.

Напачатку 20 стагоддзя, па словах старажылаў, Клеманцова належала Багдану Кіякоўскаму, які пазней атрымаў і двор Кіякова ад свайго бяздзетнага дзядзькі. У 1929 годзе Багдан Кіякоўскі валодаў тут 472 дзесяцінамі зямлі (апроч таго, у яго было 1200 дзесяцін у Кіякове, ды ў Соф’і Кіякоўскай у Станіславове – 100 дзесяцін). Па звестках за 1930 год, у фальварку Клеманцова пражывалі 45 чалавек, меліся 3 хаты для парабкаў, сядзібны дом, гаспадарчыя пабудовы, пачатковая школа. Паводле дакументаў, меўся у Клеманцове паравы млын, што належаў Кіякоўскаму, аднак насамрэч ён знаходзіўся не ў фальварку, а пры дарозе Сітцы–Кіякова, непадалёк ад Старой Вёскі. Напрыканцы 30-х гадоў упраўляючым маёнтка працаваў Жынгаловіч.

За часы савецкай улады ад Клеманцова засталіся толькі падмуркі пабудоў, дрэвы ды месцамі брукаваная дарога, што звязвала сядзібу з Лісавічамі.

Кастусь Шыталь, краязнаўца,
e-mail: ksz@tut.by

Клеманцова. : Страчаная спадчына | фотаздымкі

Клеманцова.  Фальварак Кіякоўскіх

Клеманцова. Фальварак Кіякоўскіх (XIX) Шулы зруйнаванай фальваркавай пабудовы Фота © Кастусь Шыталь