> Віцебская вобласць > Докшыцкі раён > урочышча Клеманцова > Фальварак Кіякоўскіх
Клеманцова. Фальварак Кіякоўскіх
Клеманцова. Фальварак Кіякоўскіх

Фальварак Кіякоўскіх | Клеманцова

Не існуе
Год пабудовы (перабудовы): XIX
Страчаны: > 1939
Каардынаты:
54° 58'24.60"N, 27° 30'15.43"E

Фотагалерэі

Выбраныя здымкі

Клеманцова. Фальварак Кіякоўскіх

Шулы зруйнаванай фальваркавай пабудовы Фота © Кастусь Шыталь |

Клеманцова. Фальварак Кіякоўскіх

р. Сэрвач ля былога фальварка Фота © Кастусь Шыталь |

Клеманцова. Фальварак Кіякоўскіх

Падмуркі сядзібнага дома Фота © Кастусь Шыталь |

У Клеманцова спачатку я ехаць не збіраўся. Зрэшты, усё ж, калі ехаў роварам з Кіякова, вырашыў зазірнуць у гэты былы фальварак, што раней належыў Кіякоўскім. На сённяшніх мапах ён ужо не пазначаны, аднак мне было вядома, дзе яго шукаць.

У Лісавічах распытаў мясцовых жыхароў, што ведаюць пра Клеманцова. Па іх словах, перад вайной там працавала школа. Але пасля вайны жыхары павыязджалі адтуль і нічога не засталося.

Ад Лісавіч у Клеманцова вядзе грунтавая дарога, месцамі яна брукаваная. Ад былога фальварка Багдана Кіякоўскага, які ў 1930-х гадах налічваў 3 хаты для парабкаў, сядзібны дом і гаспадарчыя пабудовы, захаваліся толькі старыя дрэвы ды рэшткі тых пабудоў.

Яшчэ даволі добра бачныя сярод травы падмуркі сядзібнага дома, а прайшоўшы трохі далей, можна заўважыць каменныя шулы ад нейкай гаспадарчай пабудовы. Вось і ўсё, што засталося ад месца, дзе калісь віравала жыццё.

За Клеманцовам працякае рака Сэрвач, на якую адсюль адкрываюцца прыгожыя краявіды. Пры добрым збегу абставін гэты маляўнічы край можа стаць вельмі прыцягальным для турыстаў, аднак зараз ад наведвання такіх месцаў становіцца сумна: там, дзе калісьці квітнела жыццё, цяпер толькі паросшыя травой і кустоўем падмуркі.

Кастусь Шыталь, краязнаўца,
e-mail: kastus-sh@mail.ru