> Магілёўская вобласць > Крычаўскі раён > горад Крычаў > Палац Галынскіх
Крычаў. Палац Галынскіх
Крычаў. Палац Галынскіх

Палац Галынскіх | Крычаў

Выбраныя здымкі

Крычаў. Палац Галынскіх

Палац пасля рэстаўрацыі, здымак 02.2008 Фота © Андрэй Кузьмін |

Крычаў. Палац Галынскіх

Палац Галынскіх на архіўным фотаздымку Фота © Андрэй Кузьмін |

Крычаў. Палац Галынскіх

Брама і палац пасля рэстаўрацыі, 02.2008 Фота © Андрэй Кузьмін |

У перыяд паміж 1778 - 1787 гг. па загаду Рыгора Пацёмкіна ў Крычаве быў пабудаваны палац, які стаў помнікам архітэктуры класіцызму. Яго архітэктар вядомы рускі зодчы І. Стараў (Старов) - аўтар праекта Таўрычаскага палаца ў Пецярбургу.

У студзені 1787 г. у час паездкі па нядаўна заваёваных губернях палац наведала Кацярына ІІ. У выніку падарожжа імператрыцы з Санкт-Пецярбурга ў Крым, была надрукавана яе кніга "Путешествия Ея императорского Величества въ полуденный край России, предприемлемое въ 1787 году", дзе ўзгадваецца і старадаўні Крычаў.

Дата пабудовы палаца: 1778-1787гг., рэканструяваны ў 1840-я, 1950-я гады.
Стыль: Галоўны фасад мае рысы несапраўднай готыкі, тарцы бакавых крылаў вырашаны ў строгіх класічных формах, сцены атынкаваныя.
Архітэктурныя вырашэнні: Мураваны П-падобны ў плане будынак, накрыты пакатым 2-схільным дахам. Палац пабудаваны ў выглядзе манаграмы з літар "П" і "Е" – ініцыялы князя і царыцы (Кацярыны ІІ).

З канца 18 ст. да самага Кастрычніцкага перавароту палац належаў роду Галынскіх. Комплекс уключаў: палац, стайню (значна пашкоджана пры рэстаўрацыі палаца), сад, парк.

Цяперашні стан: першапачатковая анфіладная планіроўка зменена ў 1950-я гады. У будынку за савецкімі часамі была размешчана школа-інтэрнат, зараз палац адрэстаўраваны.

Андрэй Кузьмін

Паведамленні

Год пабудовы (перабудовы): 1778-87
Каардынаты:
53° 41'16.71"N, 31° 42'42.90"E

Фотагалерэі