> Віцебская вобласць > Аршанскі раён > горад Орша > Касцёл Святога Юзафа рамесніка (дамініканаў)
Орша. Касцёл Святога Юзафа рамесніка (дамініканаў)
Орша. Касцёл Святога Юзафа рамесніка (дамініканаў)

Касцёл Святога Юзафа рамесніка (дамініканаў) | Орша

Выбраныя здымкі

Орша. Касцёл Святога Юзафа рамесніка (дамініканаў)

Агульны выгляд Фота © Грода Надзея |

Орша. Касцёл Святога Юзафа рамесніка (дамініканаў)

Касцёлы дамініканскі Св. Язэпа і францысканскі (справа), зьнішчаны ў 1970-я. Фота пач. 20 ст. Фота © Грода Надзея |

Орша. Касцёл Святога Юзафа рамесніка (дамініканаў)

Галоўны фасад (08.2004) Фота © Грода Надзея |

Касцёл знаходзіцца ў цэнтры горада, на ўскрайку гарадскога сквера. Пабудаваны ў 1808 г. з цэглы. Быў акаймаваны мураванай агароджай з брамай. Захаваўся ў змененым выглядзе. У 1990 г. перададзены вернікам.

Першы мураваны касцёл св. Інакенція пабудаваны ў 1649 г. па фундацыі князя Іераніма Друцкага-Сакалінскага, які даў пры ім прытулак манахам-дамініканцам. Кляштарны комплекс фармаваўся на працягу 17—19 ст., дзейнічаў да 1845 г.

Помнік архітэктуры барока. 3-нефавая 2-вежавая (разабрана ў 1870) базіліка. Галоўны фасад быў падзелены на 3 часткі, размежаваныя глыбокімі прамавугольнымі нішамі з вылучанымі па восям лучковымі аконнымі праёмамі. У завяршэнні фасада — высокі прамавугольны атык з 3-вугольным франтонам, які пераходзіць да плоскасці фасада акруглымі заплечнікамі. У цэнтры атыка авальная люкарна. Фасады крапаваліся вуглавымі калонамі, лапаткамі, тонкапрафіляванымі карнізамі, дэкараваны вуглавымі вазамі. У інтэр'еры храма былі партрэтныя выявы фундатараў кляштара Друцкага-Сакалінскага і яго жонкі (не захаваліся).

Літ.:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

Паведамленні

Год пабудовы (перабудовы): 1808, > 1945
Каардынаты:
54° 30'19.02"N, 30° 24'58.56"E

Фотагалерэі