> Віцебская вобласць > Віцебскі раён > горад Віцебск > Будынак былога жаночага епархіяльнага вучылішча
Віцебск. Будынак былога жаночага епархіяльнага вучылішча
Віцебск.  Будынак былога жаночага епархіяльнага вучылішча

Будынак былога жаночага епархіяльнага вучылішча | Віцебск

Выбраныя здымкі

Віцебск.  Будынак былога жаночага епархіяльнага вучылішча

Будынак былога жаночага епархіяльнага вучылішча ў Віцебску (зараз тут месціцца Віцебскі аблвыканкам). Пабудаваны ў 1898-1902 гг. Фота 11.2009 Фота © К. Шастоўскі |

Віцебск.  Будынак былога жаночага епархіяльнага вучылішча

Жаночае епархіяльнае вучылішча з Свята-Духаўскай царквой. Здымак пач. ХХ ст. Фота © К. Шастоўскі |

Віцебск.  Будынак былога жаночага епархіяльнага вучылішча

Агульны выгляд. Фота 11.2009 Фота © К. Шастоўскі |

Жаночае епархіяльнае вучылішча. Будынак быў узведзены на паўднёва-ўсходняй ускраіне Віцебска, на так званай Духавай гары (сучасны адрас - вуліца Гогаля, № 6). Тут яшчэ ў XIV ст. існавала драўляная Свята-Духаўская царква, а пазней пры ёй заснаваны жаночы манастыр (належыў базіліянам). На «Чарцяжы места Віцебска 1664 года» ўжо ад-значана мураваная Свята-Духаўская царква.



3 1872 г. у будынку былога манастыра размясціліся пакоі жаночага вучылішча. У 1898 г. полацкая епархія выдзеліла сродкі на будаўніцтва новага вучэбнага корпуса, які быў узведзены ў 1902 г. (праект інжынераў А.К.Паўлоўскага і П.А.Вінаградава). Корпус займае самае высокае месца на Духавай гары, быў звязан закрытай галерэяй з Свята-Духаўскай царквой (занава адбудавана ў тыя ж часы, зруйнавана ў савецкі час).



3-павярховы з паўпадвальным паверхам будынак у плане Е-падобнай формы, галоўным фасадам выходзіць на вуліцу Гогаля. Унутраная планіроўка калідорнага тыпу з аднабаковым калідорам, арыентаваным у бок двара. На першым і другім паверхах знаходзіліся вучэбныя класы, на трэцім — спальні, у паўпадвальным - сталоўка, кухня і гаспадарчыя памяшканні.

Калі ў аб'ёмна-прасторавай кампазіцыі выкарыстаны прыёмы архітэктуры класіцызму, то ў дэкаратыўнай аздобе адчуваецца ўплыў эклектычных рысаў. У цэнтры галоўнага фасада шырокі рызаліт з парадным порцікам, што вядзе ў прасторны вестыбюль. Масіўныя слупы порціка падтрымліваюць балкон актавай залы на другім паверсе. У дэкаратыўных дэталях другога і трэцяга паверхаў праяўляюцца элементы псеўдарускага стылю (ліштвы акон у выглядзе какошнікаў і інш.).

Зараз у будынку месціцца Віцебскі аблвыканкам.

Каардынаты:
55° 11'23.51"N, 30° 12'38.88"E

Фотагалерэі